ضربة الشمس – Heat Stroke

طيب في حاله مشهوره جدا بتظهر علي الكلاب و القطط الفتره دي و هي ضربه الشمس في القطط و الكلاب…
…………………………………………….
*اولا::- لازم نعرف أزاي اصلا الكلاب و القطط بيخفضوا حراره جسمهم..
بص يا سيدي احنا كا بني ادمين لما حرارتنا تعلي ربنا خلقلنا حاجه ساحره كده اسمها الغدد العرقيه و دي اللي بتفرز العرق لما حراره جسمنا تعلي ل اي سبب الغدد دي بطلع المياه دي علي سطح الجسم و تبرده
–>تاني نقطه #الدم الجسم بيبداء يضخ الدم في الاطراف و اقرب للجلد و السطح علشان يحاول يبرده قدر الامكان..
طبعا في حاجات تانيه بتحصل بس دول اللي يهمونا…
……………………………………………..
طيب الكلاب و القطط فارقه عننا ف ايه!!
معندهومش يا سيدي غدد عرقيه.. و دي نقطه فاصله ان الكلاب و القطط مبتقدرش تطلع مياه تخفض حراره جسمها و بالتالي ربنا انعم عليهم ب حاجه تانيه تخفض حراره جسمهم و هي ال #اللهث Panting
بص لازم تعرف ان اكتر منطقه فيها امداد دموي و كميه دم كبيره بتعدي منها هي الرقبه او الزور بالتحديد و المنطقه دي بيعدي فيها الهواء للرئه و الاكل للمعده بس اللي يهمنا هنا هو (#الهواء)
الكلب و القطه بيبداءوا يفتحوا بوقهم و يدخلوا هواء بارد يعدي جمب العروق يخفض درجه حراره الدم و يطلعوه سخن بكل بساطه دي اهم طريقه عن الكلاب ل تخفيض درجه حراره جسمهم علشان  كده الكلاب و خصوصا كل ما يزيد حجمها هتلاقيها فاتحه بوقها ب استمرار و بتلهث….
……………………………………………..
*ثانيا::-طيب المشكله بتحصل امتي؟؟
بتحصل لما درجه حراره الحيوان ترتفع ل درجه انه مش قادر يخفضها بالطريقه الاعتياديه و لازم نعرف ان درجه الحراره الطبيعيه للكلاب لا تتعدي 38.5 و لو علت فوق 40.5 يبقي دخل في المشكله و لو وصلت  43 أعضاء جسمه كلها بتنهار و بيموت…
…………………………………………….
*ثالثا::- ايه الاسباب اللي توصل الحيوان بتاعي ل كده ؟؟
1-تدريب عنيف و شديد من غير راحه و في درجه حراره مرتفعه كافي انه يوصل الكلب ل كده..
2-انك تسيب حيوانك في وقت القيلوله في السياره خصوصا لو سوداء و تقفل عليه..
3-تسيبه فوق السطح او في مكان مكشوف للشمس وقت القيلوله…
4-عدم وجود ماء معتدل البروده امام الحيوان ب استمرار ..
5- عمتا اي سبب يرفع درجه حراره الكلب جدا
…………………………………………….
*رابعا::- اعرف ازاي ان الحيوان بتاعي جاله ضربه شمس؟؟
1-درجه حراره الجسم اكتر من 40..
2-تسارع شديد في دقات القلب..
3-عيون جافه و شبهه الزجاج كده..
4-اللهث الشديد جدااا..
5-الفم و اللسان احمر شديد و ممكن ترجيع..
6- مش قادر يقف و بينهار..
7- و ممكن توصل ل نوبات صرع..
…………………………………………….
*خامسا::- اعمل ايه لما اعرف انه خد ضربه شمس ؟؟
طبعا اول حاجه تتواصل مع الطبيب البيطري مش محتاجه كلام و تعمل الخطوات الجايه دي بالنص و بعدين تنقله للدكتور او تجيب الدكتور ليه..
1- تنقله مكان رطب و بارد..
2-قدمله مياه من الحنفيه..
3-هات فوطه و بلها مياه فاتره مش ساقعه اوووووووووعي تكون سااااااقعععععه انا حذرتك…فاتره كده بس و امسح عليه و علي راسه…
4- حطه قريب من مروحه بس متصدرهاش عليه اوي..
…………………………………………..
*سادسا::- اتجنبها ازاي ؟؟
1-وقت التدريب او التمشيه يبقي الصبح بدري او اخر النهار بعيدا عن الشمس..
2-لو الشعر بتاع الكلب او القطه تقيل نعمله جرومينج و نقصهوله و نقصره..
3-المياه قدام الحيوان ب استمرار..
4-ميتحطش في مكان مباشر للشمس و يكون فيه ظل ب استمرار..
5-نقدمله الاكل الصبح بدري او اخر النهار..
Open chat
اهلاً كيف ممكن نخدمك