7 خطوط حمراء مع كلبك

1- تسيبه في العربية لوحده :
 – حتى لو الجو بارد إلى حد ما ، جوه العربية ممكن يبقى سخن ويخلي جسم كلبك يسخن بزيادة وده ممكن يخليه عيان .
ولو الوقت طويل ممكن يؤدي للوفاه .
 – كلب لوحده في عربية معناه إنه بسهولة ممكن يتسرق . يفضل متسبش كلبك ابدا لوحده في العربية .
2- تربط كلبك بالسلسلة طول الوقت :
 الكلاب المفروض يبقى ليها الحرية إنها تتحرك وتجري براحتها طول النهار . لو مافيش جنينة أو مكان تسيب كلبك فيه براحته يفضل تخرجه كل يوم وتسيبه يلعب طالما تحت مراقبتك .وطبعا لو الجو مناسب .
إن كلبك يفضل مربوط بالسلسلة على طول ده يعتبر قسوة  وتعدي على حقوق الحيوان !
3- متهتمش باسنان كلبك :
 مهم جدا إنك تغسل اسنان كلبك كل يوم وده عشان تحميه من أمراض فم كتير جدا و مشاكل في الاسنان . وتحافظ على صحته بشكل عام .
– ممكن تستخدم فرشة اسنان أطفال .
– ماتستخدمش ابدا معجون اسنان الإنسان مع الكلاب . لانهم بيبلعوه  و معظم أنواع معجون اسنان الإنسان بيبقى فيها مواد ممكن تكون سامه ليهم ..( استخدم معجون الأسنان المخصص للكلاب فقط ).
4- تضرب كلبك :
إنك تضرب كلبك لما يعمل حاجة غلط ده غلط جدا . للأسباب دي :
– بيضعف علاقتك بكلبك .
– بيكسر ثقة كلبك فيك .
– بتخليه يخاف منك .
– بتضعف ثقته فيك و في نفسه .
– بيكون اسلوب ضعيف للتدريب على أي أمر .
– الكلاب الخايفة أو ضعيفة دايما بتعكس ده بالعنف على صاحبها .
5- تعتبر إن الكلاب مش بتحس :
 الدراسات اثبتت إن الكلاب حساسة جدا . وعندها القدرة إنها تحب وتضايق وتكتئب .
– الكلاب بتعرف تقرأ مشاعرنا من خلال تعبيرات وشنا .
– معاملتك لكلبك بتأثر جدا على علاقتك بيه  ، لو بتضايقه كتير ده ممكن يضعفها .
6- تطنش الزيارات للطبيب البيطري :
 دي حاجة واضحة أكيد ،لكن ناس كتير ممكن تحاول تعالج حيواناتها بنفسها أو مجرد تعمل بحث على النت وتشوف العلاج . في الحالة البسيطة ممكن نلجأ لحاجة زي كده . بس لو الكلب واضح جدا إنه فيه حاجة تعباه أو في أي تصرف أو حاجة مش طبيعية باينة عليه يفضل تستعين بالطبيب البيطري فورا .
– يفضل عمل فحض سنويا بشكل عام على صحة كلبك .
7- تستخدم قفص الكلاب للأسباب الخطأ :
 الأطفال ممكن تفهم لو اتعاقبت واتحبست في غرفة مثلا لفترة محددة . لكن الكلاب مش بتفهم إن ده عقاب . لو استخدمت القفص في عقاب الكلب عشان عمل حاجة غلط هتكون بتعلمه إن القفص مكان وحش ومكروه .
و ده عكس المطلوب .
 – اقفاص الكلاب بتكون مخصصة عشان تبقى سرير أو مخبأ للكلب يرتاح فيه ويحس فيه بالامان .عشان كده لازم القعدة فيه تكون حاجة كويسة وايجابية بالنسباله . فـمتستخدمش ابدا القفص عشان تعاقب الكلب
Open chat
اهلاً كيف ممكن نخدمك